മാട്ടൂൽ: മാട്ടൂൽ-അഴീക്കൽ പഞ്ചായത്തിനെ ബന്ധിപ്പിക്കുന്ന അഴീക്കൽ കടവിൽ കൂടുതൽ ബോട്ട് സർവീസ് വേണമെന്ന ആവശ്യം ശക്തമാകുന്നു. പതിറ്റാണ്ടുകളായി തുടരുന്നതാണ് ഇവിടുത്തെ ബോട്ട് സർവീസ്… മാട്ടൂൽ പഞ്ചായത്ത് ലേലംചെയ്താണ് കുറേക്കാലം മാട്ടൂൽ-അഴീക്കൽ റൂട്ടിൽ ബോട്ട് ഓടിക്കൊണ്ടിരുന്നത്. എന്നാൽ, നല്ല ബോട്ടല്ല യാത്രക്കാർക്കായി ഉപയോഗിക്കുന്നതെന്ന ആക്ഷേപം നിലനിൽക്കെയാണ് കഴിഞ്ഞ ഡിസംബറിൽ യാത്രാബോട്ട് അപകടത്തിൽപ്പെട്ടത്. അന്ന് മത്സ്യത്തൊഴിലാളികളുടെയും നാട്ടുകാരുടെയും ഇടപെടലാണ് വലിയ ദുരന്തമൊഴിവാക്കാനിടയായത്… ഇതിനുശേഷം സംസ്ഥാന ജലഗതാഗത വകുപ്പിന്റെ ഒരുബോട്ടാണ് ഈ നാട്ടുകാരുടെ ഏക ആശ്രയം. ചെറിയ തുകയിൽ എളുപ്പം എത്താനുതകുന്ന ഈ റൂട്ടിൽ ഒരുബോട്ടുകൂടി ഓടിക്കുകയാണെങ്കിൽ സ്കൂൾ-കോളേജ് വിദ്യാർഥികൾ, അധ്യാപകർ, മറ്റിതര ജോലിക്കാർ എന്നിവർക്ക് ഏറെ ഗുണപ്രദമാകും… വളപട്ടണം, കുപ്പം പുഴകൾ സംഗമിച്ച് അറബിക്കടലിലേക്ക് ഒഴുകിപ്പോകുന്ന അഴീക്കൽ പുഴയ്ക്ക് എല്ലാകാലത്തും വെള്ളാഴുക്കിന്റെ ശക്തി ഇതര പ്രദേശങ്ങളെ അപേക്ഷിച്ച് കൂടുതലാണ്… അതുകൊണ്ടുതന്നെ മറ്റ് സാധാരണ ബോട്ടുപയോഗിച്ചുള്ള കടത്ത് ഇവിടെ അപകടത്തിന് കാരണമാകും. യാത്രക്കാരുടെ ബാഹുല്യം പരിഗണിച്ചും കൂടുതൽ ടൂറിസ്റ്റുകളെ ഇങ്ങോട്ടേക്ക് ആകർഷിക്കാനും പുതിയ ബോട്ട് സർവീസിലൂടെ … Continue reading മാട്ടൂൽ-അഴീക്കൽ മേഖലയിൽ ഒരുബോട്ടുകൂടി വേണം…