തിരുവനന്തപുരം: തീവണ്ടികളിലും റെയില്‍വെ സ്റ്റേഷനുകളിലും കര്‍ശന പരിശോധന നടക്കും . പുതുവത്സര ആഘോഷം മുന്‍നിര്‍ത്തിയാണ് പൊലീസ് പരിശോധന ശക്തമാക്കിയത്. ആര്‍.പി.എഫും കേരള പൊലീസും സംയുക്തമായാണ് പരിശോധന നടത്തുന്നത്. ക്രിസ്മസ് പുതുവത്സര സീസണ്‍ മുന്‍നിര്‍ത്തി സംസ്ഥാനത്തേക്ക് വന്‍തോതിതില്‍ വിദേശമദ്യം ഉൾപ്പെടെയുള്ള ലഹരി വസ്തുക്കള്‍ എത്തുന്നുണ്ടെന്നാണ് വിവരം. ഇതിന്റെ അടിസ്ഥാനത്തിലാണ് പരിശോധന ശക്തമാക്കി നടത്തുന്നത്.   ആര്‍.പി.എഫ്, കേരള പൊലീസ്, ഡോഗ് സ്‌ക്വാഡ്, ബോംബ് സ്‌ക്വാഡ് എന്നിവര്‍ സംയുക്തമായാണ് പരിശോധന നടത്തുന്നത്. കര്‍ണ്ണാടക, ഗോവ എന്നി സംസ്ഥാനങ്ങളില്‍ നിന്നാണ് കേരളത്തിലെ വടക്കന്‍ മേഖലയിലേക്ക് ലഹരി വസ്തുക്കള്‍ വ്യാപകമായി എത്തുന്നത്. മാത്രമല്ല, അതിര്‍ത്തി ജില്ലയായ കാസർഗോഡ് 24 മണിക്കുറും പരിശോധന നടത്താനാണ് തീരുമാനം. വര്‍ഷാവസാനം വരെ പരിശോധന തുടരുന്നതാണ്.തീവണ്ടിക്കകത്തും പ്ലാറ്റ്‌ഫോമുകളിലും റെയില്‍വെ സ്റ്റേഷന്‍ പരിസരങ്ങളിലുമാണ് കാര്യമായി പരിശോധന നടത്തുന്നത്. Continue reading പുതുവത്സര ആഘോഷം മുന്‍നിര്‍ത്തി തീവണ്ടികളിലും റെയില്‍വെ സ്റ്റേഷന്‍ പരിസരത്തും കര്‍ശന പരിശോധന

ചെറുകുന്ന്: കണ്ണപുരം ഗ്രാമപ്പഞ്ചായത്തും ഇനി സ്മാർട്ടാകും. ഞൊടിയിടയിൽ ഗ്രാമപ്പഞ്ചായത്തിനെ സംബന്ധിക്കുന്ന വിവരങ്ങളും വാർത്തകളും അറിയിപ്പുകളും ഓൺലൈൻ സേവനങ്ങളും അപേക്ഷാഫോറങ്ങളും ഉൾപ്പെടെ നൂറ്ുകണക്കിന് സേവനങ്ങൾ സ്മാർട്ട് ഗ്രാമപ്പഞ്ചായത്ത് ആപ്ളിക്കേഷനിലൂടെ ലഭ്യമാകും. കണ്ണപുരം ഗ്രാമപ്പഞ്ചായത്ത് ഐ.എസ്.ഒ. 9001-2015 സർട്ടിഫിക്കേഷനും കരസ്ഥമാക്കിയിട്ടുണ്ട്. ഇതിന്റെഭാഗമായി ഫ്രണ്ട് ഓഫീസ് സംവിധാനം കാര്യക്ഷമമാക്കി. അപേക്ഷകൾ പൂരിപ്പിക്കാൻ ഹെൽപ്പ് ഡസ്ക്, നികുതി അടയ്ക്കാൻ ഓൺലൈൻ സംവിധാനം, അപേക്ഷയുടെ നിജസ്ഥിതി അറിയാൻ ടച്ച് സ്‌ക്രീൻ സംവിധാനം, മൊബൈൽ ഓൺലൈൻ ഗേറ്റ് വേ തുടങ്ങിയ വിപുലമായ സംവിധാനങ്ങൾ ഒരുക്കിയിട്ടുണ്ട്. ഐ.എസ്.ഒ. 9001-2015 പ്രഖ്യാപനവും, മൊബൈൽ ആപ് ലോഞ്ചിങ് 28-ന് രാവിലെ 10 മണിക്ക് പഞ്ചായത്ത് ഹാളിൽ ടി.വി.രാജേഷ് എം.എൽ.എ. നിർവഹിക്കും. ജില്ലാ പഞ്ചായത്ത് പ്രസിഡന്റ്‌ കെ.വി.സുമേഷ് മൊബൈൽ ആപ് ലോഞ്ചിങ് നിർവഹിക്കും. ചടങ്ങിൽ ബ്ലോക്ക് പഞ്ചായത്ത് പ്രസിഡന്റ്‌ വി.വി.പ്രീത ഹരിതസേന യൂണിഫോമിന്റെ വിതരണം നിർവഹിക്കും. പത്രസമ്മേളനത്തിൽ പഞ്ചായത്ത് പ്രസിഡന്റ്‌ കെ.വി.രാമകൃഷ്ണൻ, സെക്രട്ടറി പി.വി.പദ്‌മനാഭൻ, കെ.ഷൈന, എം.വി.ബാലൻ, കെ.മോഹനൻ, എൻ.ശ്രീധരൻ, വി.രാജൻ എന്നിവർ പങ്കെടുത്തു. Continue reading നൂറിലധികം സേവനങ്ങളുമായി സ്മാർട്ടാകാനൊരുങ്ങി കണ്ണപുരം ഗ്രാമപ്പഞ്ചായത്ത്